|
Dòje fratecelle,
uno ricco e l’auto pezzentièllo.
Uno cantava
e l’auto sunave ‘a chitarrella.
‘Nu juòrno
decettene: - Ma sì,
facimme ‘na serenata
‘o paraviso! –
‘O cantatore: - Affacciate
bella mia ca l’aria è dòce!
‘A senti chesta voce?
Canta pe’ tte! –
‘O sunatore: - addurmete
vita mia, stai arrepuòse!
Fòre fa freddo,
dà audiènza a mme!
Scucciato ‘o Pateterno
s’affaccia
‘ncòppo ‘o balcone
e dice: - Cantató’,
vai a l’inferno!
Ched’è ‘sta serenata,
nun stimme
mica a Napule?
A ccà ‘a gente dorme,
sta a sunnà’!
E tu, ca suòne
dòce dòce còmme
se fosse
‘nu mandolino,
rituorna crammatina,
ca ‘o pòsto tujo è a ccà!
‘O sacce ca stai suffrenno,
arrèto a chillo fetento…
Mannalo a l’inferno
ca ‘o pòsto suje è llà! -
|
